Vastelaovendj 2023

π•π€π’π“π„π‹π€πŽπ•π„ππƒπ‰ β€οΈπŸ’›πŸ’š
De vastelaovendj steit weer veur de deur, alweer de tieΓ«ndje kieΓ«r Bie de Tied! Dit jaor hΓΆbbe wae weer ’n tof en gevarieerdj programma samegestΓ¨ldj.

π•π‘πˆπ„πƒπˆπ†: π’ππ€π€π‘πŠπ€π’π‹πˆπ‚π‡π“π„ 𝐄𝐍 π“πŽπ„ππ„
Op vriedig 17 februari is d’r weer ’t Spaarkastoepe. Alle spaarkasleje van Spaarkas Spaar op Tied kinne vanaaf 20:11 oor hÀâr good gevuldje envelΓΆpkes ophole. Same ’n pΓΆtje toepe Γ³nger 't genot van hepkes en drenkskes. Natuurlik zeen ouch minse die neet aangeslote zeen bie de spaarkas welkΓ³m!

π™π€πŽπ“π„π‘πƒπˆπ†: πŠπ€π‘ππ€π•π€π‹ π…π„π’π“πˆπ•π€π‹ - 𝐃𝐉 π†π”πˆπƒπŽ 𝐄𝐍 ππ€π“π‘πˆπ‚πŠ 𝐆𝐄𝐑𝐄𝐓𝐒
Op zaoterdig 18 februari vintj Karnaval Festival plaats! Op deze aovendj vere wae vanaaf 20:11 oor vastelaovendj mΓ¨t 'n Duits tintje. De altied vrolike DJ Guido (o.a. bekΓ¨ndj van kΓ¨rmisvriedig) dreitj de plaetjes aanein. Ouch zulle d'r diverse optraejes zeen van binne en boete Kelpe-Oler, woeΓ«-Γ³nger Patrick Gerets (roeje, roeje roejeπŸ›Ά)!

π™Γ–ππ‰πˆπ†: πŽππ“πŽπ‚π‡π“ πŠπˆπ„πŠπ„ 𝐄𝐍 π€π…π“π„π‘ππ€π‘π“π˜ πŽππ“πŽπ‚π‡π“
Op zânjig 19 februari 14:11 oor is de groeëte Kujeldreiers optocht. Kóm gezellig bie os caféke kieke nao deze bóntje stoet! 's Aoves is de afterparty van 't optochtbal Bie de Tied te doon en steit radje dreie op 't programma. Vanaaf 20:11 kèns se dien geluk bepreuve bie os Rad van Fortuin.

πŒπ€πŽππƒπˆπ†: π’ππ„πŠ πŒΓˆπ“ π„πˆπ„π‘
Op maondig 20 februari kΓ¨ns se van 11:11 oor tot 13:00 spek mΓ¨t eier kΓ³mme aete veur mer €5,00. Daonao zeen wae geslote en gaon wae same mΓ¨t uch op stap bie De Molshoof!

πƒπˆππ’πƒπˆπ†: 𝐃Ö𝐋𝐋𝐄 𝐃𝐉 πƒπˆππ’πƒπˆπ†
Op dinsdig 21 februari vintj vanaaf 15:11 oor de Dâlle DJ Dinsdig en de abdicaties vanne prinsepare plaats. Veur de Dâlle DJ Dinsdig zeen wae op zeuk nao vief DJ duo's. Deze duo's hove gein ervaring te hâbbe as DJ's, mer mótte waal 'n fieëstje kinne make! Eder duo zal 'n oor lang achter de discotheek plaats nâmme en probere 't publiek veur zich te winne! Wils se ouch mèt doon as duo? Meld dich den op veurhandj bie os of Vorst Rob aan.

π–πŽπŽππ’πƒπˆπ†: π‡πˆπ„Γ‹π‘πˆππ† π’π‰πˆπ‹π‹π„
Op woonsdig 22 februari zeen wae vanaf 18:00 oor geopendj. Nao de mis kan ederein 'ne hieΓ«ring kΓ³mme sjille (en d’r is brie veur de leknaze!) en kan d'r gezellig naogekaldj waere euver de vastelaovesdaag.

Donderdig 23 februari zeen wae geslote.

Β 

Afdrukken E-mailadres

Contact ons

Tim Neijnens & Bas Suntjens
Grandcafé Bie de Tied
Grathemerweg 48

6037RP Kelpen-Oler / Vind ons op de kaart
Tel. (0495) 65 2600 info@biedetied.nl

facebook