Op vriedig 31 januari presenteertj Grandcafé Bie de Tied de Top 100 van Kelpe-Oler. Al tig jaor waere in Kelpe-Oler leedjes gemaaktj en wae vónje det 't tied waerdje óm 'ne Top 100 te laote same stèlle van al 't sjoeëns det door inwoeëners van os dörpke gemaaktj is.

Wie zuutj de aovendj oet?
De aovendj begintj óm 20:00 oor, woeëbie in blök van tieën nummers richting de top 10 wörtj gewèrktj. Wae zulle bekieke of ènkele (aod)artieste bereid zeen óm heur leedje nog 'ne kieër ten geheure te bringe.

Wie kèns se stumme?
Stumme kan vanaaf zaoterdig 11 januari tot zaoterdig 25 januari 2020 via ongerstaondje aafbieëldjing en dich kèns op zoeë völ leedjes stumme as se zelf wils. Lèt waal op: per apparaat kèns se maximaal eine kieër stumme.