Vastelaovesprogramma 2018

Vastelaovendj 2018

De vastelaovendj steit weer veur de deur, alweer de viefdje kieër Bie de Tied! Dit jaor höbbe wae weer ’n tof en gevarieerdj programma samegestèldj:

  • Op vriedig 9 februari is d’r veur ’t ieërst Spaarkastoepe. Alle spaarkasleje van Spaarkas Spaar op Tied kènne vanaaf 20:11 oor häör good gevuldje envelöpkes ophole. Same ’n pötje toepe ónger 't genot van hepkes en drenkskes. Natuurlik zeen ouch minse die neet aangeslote zeen bie de spaarkas welkóm!
  • Op zaoterdig 10 februari zeen wae geslote. Deze aovendj gaon wae mèt ederein nao de Boetegewuuëne Binnezitting in 't Trefcentrum.
  • Op zönjig 11 februari is de groeëte Kujeldreiers optocht. DJ Sensation zal nao de optocht de sjoeënste vastelaoveshits veurbie laote kómme. Vanaaf 17:11 beje wae ‘ne wintjerbarbecue aan. Oze grillmeister zal veur uch ’n lekker lepke vleis braoje! Wiltj gae zeker zeen van ’n plaetske? Reserveer den veuraaf aan ’t buffet of via 0495-652600. De koste bedrage €12,50 p.p. en €8,50 veur kinjer (t/m 12 jaor).
  • Op maondig 12 februari kèns se van 11:11 oor tot 13:00 spek mèt eier kómme aete veur mer €3,33. De wichter kriege 'ne gratis pannenkook. 's Aoves steit Radje Dreie op 't programma. Vanaaf 20:11 kèns se dien geluk bepreuve bie os Rad van Fortuin. Óm 21:11 zal Patrick Gerets mèt ’n optraeje veur get schwung zörge!
  • Op dinsdig 13 februari vintj vanaaf 20:11 de abdicaties vanne prinsepare plaats. Dit wörtj gevolgdj door ’t Kujel verbranje. Daonao begintj ’t Beerkratzitte Noewe Stiel. Dees noewe opzèt zörgtj veur mieër interactie mèt ’t publiek. Laotj uch verrasse! Wils se deilnömme aan ‘t beerkratzitte? Gaef dich den snel op aan 't buffet of via 0495-652600. De hoofdpries is 50 liter Alfa Beer, daonaeve waere d’r nog twieë vaetjes van 20L vergaeve!  DJ Sensation zörgtj veur de juuste stömming!
  • Op woonsdig 14 februari zeen wae vanaf 18:00 oor geopendj. Nao de mis kan ederein 'ne hieëring kómme sjille (en d’r is brie veur de leknaze!) en kan d'r gezellig naogekaldj waere euver de vastelaovesdaag.

Donderdig 15 en vriedig 16 mieërt zeen wae geslote.

 

AfdrukkenE-mail

Contact ons

Tim Neijnens & Bas Suntjens
Grandcafé Bie de Tied
Grathemerweg 48

6037RP Kelpen-Oler / Vind ons op de kaart
Tel. (0495) 65 2600 info@biedetied.nl


facebook